İNSAN ALVERİNƏ QARŞI MÜBARİZƏ.
Azərbaycan Respublikası Prezidentinin 22 iyul 2020-ci il tarixli 2173 nömrəli Sərəncamı ilə təsdiq edilmiş “Azərbaycan Respublikasında insan alverinə qarşı mübarizəyə dair 2020-2024-cü illər üçün Milli Fəaliyyət Planı”nın icrası ilə bağlı 13.11.2023 –cü il N.İsmayılov adına 80 nömrəli məktəbin 8ç,10a,11a siniflərində “İnsan alverinin qurbanı olma!” mövzusunda maarifləndirici tədbir keçirildi.Sinifdənxaric və məktəbdənkənar tərbiyə işi üzrə təşkilatçı Məhərrəmova Məlahət ,məktəbin biologiya müəllimləri Mehdiyeva Zülfiyyə,Qasımova Türkanə bu, mövzu haqqında, insan alverinin nə demək olduğu, yeniyetmələrin və valideynlərin diqqət yetirmələri lazım olduğu məqamlar, risk qrupuna daxil olma amilləri, kimlər vasitəsilə insan alveri qurbanına çevrildiyimiz, həmin insanların öz qurbanlarının sayını artırmaq üçün hansı üsullardan istifadə etdikləri barədə ətraflı məlumat verildi.Sonra müxtəlif videoçarxlara baxıldı.
