“Məktəblinin dostu” layihəsi çərçivəsində məktəblərarası voleybol çempionatı keçirilib
Yarış layihənin əhatəsində olan Suraxanı rayonu Hövsan qəsəbəsində fəaliyyət göstərən məktəblər arasında baş tutub.
Məqsəd məktəblilərin asudə vaxtlarının idman oyunları vasitəsilə səmərəli təşkilinə nail olmaq, məktəblərarası dostluq münasibətlərini inkişaf etdirmək, eyni zamanda şagirdlər arasında sağlam həyat tərzinin təbliğinə təkan verməkdir.
Yarışın qalibi çempionatın keçirildiyi Bakı şəhəri 76 nömrəli tam orta məktəb olub. Bakı şəhəri 280 nömrəli tam orta məktəbin komandası ikinci, 317 nömrəli tam orta məktəbin komandası isə üçüncü yeri tutub. Qaliblər medal və diplomlarla mükafatlandırılıb.
