Uşaqların düşüncə dünyası “Zahid Xəlillə uşaq ruhuna səyahət”
Yanvarın 8-də məktəbin Təlim-tərbiyə işləri üzrə direktor müavini İlahə Fərmanlının və ibtidai sinif müəllimi Samirə Əliyevanın təşkilatçılığı ilə 3 c sinif şagirdlərinin iştirakı ilə Azərbaycan uşaq ədəbiyyatının görkəmli nümayəndəsi, jurnalist, respublikanın əməkdar müəllimi, professor, Uşaqların düşüncə dünyası “Zahid Xəlillə uşaq ruhuna səyahət” adlı tədbir keçirilib.
Tədbiri giriş sözü ilə məktəbin direktoru Şəfəq İbişova açaraq uşaqların sevimli yazıçısı Zahid Xəlilin həyat və yaradıcılığı haqqında ətraflı məlumat verdi və bildirdi ki, görkəmli ədib hələ də uşaqlar üçün yazıb-yaratmaqdadır. Vurğuladı ki, Zahid Xəlilin bütün əsərləri özünün rəngarəngliyi ilə güclü bir yazıçı təxəyyülünün, fantaziyasının məhsuludur və xeyir qüvvələri şərə qarşı qoyur. Sonra müəllim və şagirdlərin dəvətini qəbul edərək onların görüşünə gəldiyi üçün direktor kollektiv adından görkəmli yazara minnətdarlığını bildirdi.
Tədbirdə Şəhid Elzar Yusubovun anası Günəş xanım, Azərbaycan Yazıçılar Birliyinin üzvü Şair, Əhməd Haqsevər və AYB-nin üzvü, Pedaqogika üzrə fəlsəfə doktoru, ADPU-nun elmi işçisi Aynur Qafarlı iştirak ediblər.
Qeyd edək ki, tədbirin keçirilməsində əsas məqsəd uşaqlar arasında mütaliə mədəniyyəti və oxu vərdişini aşılamaqdır.
Görüşdə Zahid Xəlil şagirdlərin ünvanladığı suallara cavab verərək yaradıcılığı ilə bağlı maraqlı əhvalatlar danışdı, şeirlərindən söylədi.
Sonda görkəmli ədib şagirdlərlə Zahid Xəlil yaradıcılığına həsr olunmuş “Sevimli yazıçımız – Zahid Xəlil” adlı kitablar təqdim olundu.
