Şagirdlərlə maarifləndirici söhbətlər aparılıb
07.01.2025-ci il tarixdə Bakı şəhər Suraxani rayonu Ə. Məmmədov adına 76 nömrəli tam orta məktəbdə DİN Polis Akademiyasının nümayəndəsi polis mayoru Müseyib İlyasov və Suraxani rayon Polis İdarəsinin əməkdaşı polis kapitanı İlahə Balayevanın iştirakı ilə IX-XI sinif şagirdləri ilə gənclərin DİN sistemində təhsilə və xidmətə təşviq edilməsi barəsində görüş keçirilmişdir.
Görüşdə şagirdlərə polis akademiyasına qəbul qaydaları və orada yaradılmış maddi-sosial baza haqqında geniş məlumatlar verilmişdir. Həmçinin gənclərə gələcəkdə dövlətinə və vətəninə sadiq olmaq və sağlam ruhda böyümək üçün müəyyən tövsiyyələr verilmişdir.
