"Solmaz Amanova ilə nağıl diyarına səyahət" mövzusunda tədbir keçirilib
Dekabrın 19-da məktəbin Təlim-tərbiyə işləri üzrə direktor müavini İlahə Fərmanlının və ibtidai sinif müəllimlərinin təşkilatçılığı ilə məktəbin akt zalında tanınmış uşaq yazıçısı, “Everest” nəşriyyat evinin baş redaktoru, “İrs” nağıl evinin müdiri "Solmaz Amanova ilə nağıl diyarına səyahət" mövzusunda tədbir keçirilib.
Tədbirdə məktəb rəhbərliyi, müəllim və şagirdlər iştirak ediblər.
Qeyd edək ki, tədbirin keçirilməsində əsas məqsəd uşaqlar arasında mütaliə mədəniyyəti və oxu vərdişini aşılamaqdır.
Görüşdə S. Amanova yaradıcılığı, həyata keçirdiyi layihələr, İkinci Qarabağ müharibəsindən sonra qələmə aldığı “Şuşanın sehrli açarları”, həmçinin “Cəsur ayı və dostları”, “İlmənin macəraları” kimi kitabları barədə ətraflı məlumat verib.
Şagirdlər yazıçının əsərlərindən ibarət maraqlı tamaşalarla çıxış ediblər, yazıçının dilindən nağıllar dinləyiblər.
Sonda müəllif öz kiçik oxucularına imzaladığı hədiyyələr təqdim etdib.
