"Onu zaman seçib" mövzusunda sinif təşkilat saatı keçirilib
Ümummilli Lider Heydər Əliyevin Azərbaycançılıq məfkurəsinin geniş təbliği və 12 dekabr- Anım günü münasibətilə dekabrın 12-də məktəbin ibtidai sinif müəllimi İncili Bayramovanın təşkilatçılığı və 1 a sinif şagirdlərinin iştirakı ilə "Onu zaman seçib" mövzusunda sinif təşkilat saatı keçirilib.
Məqsəd Ümummilli Liderin xatirəsini əbədiləşdirmək, Azərbaycançılıq məfkurəsinin geniş təbliği və şagirdlərdə vətənpərvərlik tərbiyəsinin gücləndirilməsidir.
Ulu Öndər Heydər Əliyevin şərəfli həyat yolu və siyasi fəaliyyəti haqqında danışılıb. Qeyd edilib ki, dünyanın ən qüdrətli simaları sırasına yüksələn Ulu Öndərimiz ən mürəkkəb, ən çətin, hətta çıxılmaz hesab olunan vəziyyətlərdən ən yaxşı çıxış yolu tapmaq bacarığına malik nadir şəxsiyyət kimi hər birimizin qəlbində yaşayır. “Azərbaycanın dövlət müstəqilliyi sarsılmaz və dönməz olacaqdır” söyləyən Heydər Əliyev bütün həyat və fəaliyyətini ölkəmizin müstəqilliyinə, xalqımızın rifahına həsr etmişdir. Onun xatirəsini hər zaman yaşatmaq və uca tutmaq hər birimizin vətəndaşlıq borcudur.
