11 c sinfində nümunəvi dərs keçirilib
Məktəbin Fəaliyyət planına uyğun olaraq fizika aylığı çərçivəsində noyabrın 27-də Esmira Bekerovanın rəhbərliyi və texniki təmayüllü 11 c sinif şagirdlərinin iştirakı ilə fizika fənni üzrə "Dövrə hissəsi üçün Om qanunu. Müqavimət" mövzusunda nümunəvi dərs keçirilib.
Nümunəvi dərsin keçirilməsində məqsəd müvafiq fənn üzrə şagirdlərin bilik və bacarıqlarının daha da yüksəldilməsi, təlim prosesində müasir təlim metodlarının tətbiqi və müəllimlər arasında təcrübə mübadiləsinin aparılmasından ibarətdir.
Dərsdə fəal təlim metodlarından istifadə olunub. Fəndaxili və fənlərarası inteqrasiyadan istifadə etməklə diaqnostik qiymətləndirmə aparılıb. Şagirdlərin fəallığını artırmaq məqsədilə slaydlardan, şəkillərdən istifadə olunub, təcrübə aparılıb.
Daha sonra şagirdlər mövzuya aid təcrübə icra ediblər. Dərs maraqlı müzakirələrlə müşayiət olunub.
Nümunəvi dərsdə məktəb rəhbərliyi və müəllimlər iştirak edib.
