"8 Noyabr- Zəfər Günü" münasibətilə Şəhidlərimizin xatirəsi anılıb
8 Noyabr Zəfər Günü münasibətilə məktəbimizin 4 d sinfinin rəhbəri Aydəmirova Səbinə tərəfindən təşkilat saatı keçirilib. Bu tədbir, şəhidlərimiz Orucov Rafiq Miryusif oğlu və Əlimov Elvin Nəsrəddin oğlunun xatirəsinə həsr olunub.
Tədbir zamanı şagirdlərimiz Vətənə olan sevgilərini, şəhidlərimizin qəhrəmanlıqlarını və onların bizlər üçün əhəmiyyətini vurğulayıblar. Həmçinin, bu günün tarixi əhəmiyyəti haqqında müzakirələr aparılıb və Vətən müharibəsindəki igidlik nümunələri xatırlanıb.
Tədbirdə Şəhid Elvin Əlimovun anası İradə Əlimova və Rafiq Orucovun anası Ziba Orucova və bacısı Təranə Orucova da iştirak ediblər.
Məktəbin direktoru Şəfəq İbişova çıxış edərək şəhid ailələrinə təşəkkür edib.
