Şəhidimiz anım günündə yad olunub
Məktəbin Fəaliyyət planına uyğun olaraq şagirdlərdə xalqımıza qarşı törədilmiş faciələr haqqında bilgilərin artırılması, tarixi hadisələrə düzgün rəy vermək bacarığının formalaşdırılması, xalqımızın qəhrəmanlıq salnaməsinin təbliği və ümumxalq hüzn günlərinə həsr olunmuş tədbirlərin keçirilməsi məqsədilə məktəb üzrə əmrlə Tədbirlər Planı hazırlanıb təsdiq edilmişdir.
Tədbirlər planına uyğun olaraq Azərbaycanın hərb tarixinə qızıl hərflərlə yazılan 44 günlük İkinci Qarabağ müharibəsində doğma torpaqlarımızın hər qarışı uğrunda son damla qanınadək döyüşərək əsl qəhrəmanlıq nümunəsi göstərən Şəhidlərimizdən biri İlkin Quliyev Rəfail oğlunun anım günü münasibətilə 10 oktyabr tarixində Şirmayıxanım Səfərovanın təşkilatçılığı ilə şəhidin adını daşıyan 6 d sinif şagirdləri Şəhidlər Xiyabanını ziyarət edilib.
