"Müstəqilliyimiz əbədi və dönməzdir!" mövzusunda tədbir keçirildi
Məktəbin İllik Fəaliyyət Planına əsasən mayın 27-də "Müstəqilliyimiz əbədi və dönməzdir!" mövzusunda əbədi bədii kompazisiya nümayiş olunub.
Məqsəd məktəbliləri milli-mənəvi dəyərlərə hörmət və Vətənə məhəbbət ruhunda tərbiyə etmək, onlarda vətənpərvərlik hissini yüksəltmək, müstəqillik illərində respublikamızın keçdiyi zəngin inkişaf yolunda qazandığı parlaq nailiyyətləri təbliğ etməkdən ibarətdir.
Tədbirdə məktəb rəhbərliyi, şəhid ailələri, müəllim və şagirdlər iştirak edib.
Azərbaycan Respublikasının Dövlət himni ilə başlanan tədbirdə çıxış edən məktəb rəhbəri Şəfəq İbişova Azərbaycan Respublikasının inkişaf etdiyini, müstəqillik qazandığımız illərdə istər iqtisadi, istərsə də sosial sahədə irəlilədiyini vurğulayıb. Daha sonra şagirdlərin çıxışları dinlənilib, vətənpərvərlik mövzusunda şeirlər söylənilib, çıxışlar edilib.
