"Azərbaycanın sönməz Günəşi” mövzusunda sinif təşkilat saatları keçirilib
Ümummilli Lider Heydər Əliyevinin anadan olmasının 101 illik yubileyi münasibətilə təsdiq olunmuş Tədbirlər Planına müvafiq olaraq mayın 8-də 1 e sinif müəllimi Arifə Quliyeva, 2 c Samirə Əliyeva, 3 a Leyla İbrahimova, 3 ə Fatimə Baxşıyeva və 4 ç Gülnar Bağırovanın təşkilatçılığı ilə "Azərbaycanın sönməz Günəşi” mövzusunda sinif təşkilat saatları keçirilib.
Məqsəd Ümummilli Lider Heydər Əliyevin Azərbaycançılıq məfkurəsinin uşaq və yeniyetmələr arasında geniş təbliği, Ulu Öndər Heydər Əliyev irsi ilə şagirdlərin yaxından tanış edilməsidir.
Sinif müəllimləri tərəfindən müstəqil Azərbaycan dövlətinin qurucusu və memarı Heydər Əliyevin həyat və fəaliyyəti, onun Azərbaycan tarixindəki müstəsna rolu barədə çıxışlar edilib.
Daha sonra şagirdlərin ifasında Ulu Öndərə həsr olunan şeirlərdən parçalar söylənib, Heydər Əliyevin müdrik kəlamlarından sitatlar səsləndirilib. Həmçinin dahi şəxsiyyətin həyat və fəaliyyətindən bəhs edən videoçarxlar nümayiş etdirilib.
