“Aprel döyüşləri şanlı tariximizdir” mövzusunda xüsusi dərs keçirilib
Məktəbin illik fəaliyyət planına uyğun olaraq aprelin 2-də tarix müəllimi Xatirə Piriyevanın təşkilatçılığı və 7 b sinif şagirdlərinin iştirakı ilə “Aprel döyüşləri şanlı tariximizdir” mövzusunda xüsusi dərs keçirilib.
Məqsəd 2016-cı il aprel döyüşlərində şəhid olan hərbçilərimizin xatirəsinin anılması, ordumuzun qüdrətinin, vətən sevgisinin təbliğidir.
Tədbirdə qeyd edilib ki, Azərbaycan Ordusu müdrik və qətiyyətli sərkərdəmiz cənab Prezident İlham Əliyevin rəhbərliyi altında aprel döyüşlərində qələbə qazanaraq düşmənin layiqli dərsini verib.
Həmçinin dördgünlük müharibə barədə, döyüşlər və milli qəhrəmanlarımız haqqında, Aprel döyüşçülərinin xatirəsinə həsr olunmuş videoçarxlar, slaydlar nümayiş etdirilib.
