"Təbiəti qoruyanlar" mövzusunda sinif təşkilat saatı keçirilib
Dekabrın 19-da ibtidai sinif müəllimləri Ülviyyə Əliyeva və İradə Həsənovanın təşkilatçılığı ilə 2 a və 4 ə siniflərində "Təbiəti qoruyanlar" mövzusunda sinif təşkilat saatı keçirilib.
Tədbirin keçirilməsində məqsəd şagirdlərin ekoloji maarifləndirilməsi, ətraf mühitin və ekologiyanın mühafizəsi, təbii sərvətlərin qorunması və onlardan səmərəli istifadə edilməsidir.
Tədbirdə şagirdlərə parklarda, dekorativ bağlarda ətraf mühitə, ağaclara, güllərə zərar vurmadan, ərazini çirkləndirmədən istirahət etmək, əylənmək və vaxt keçirməyin qaydaları izah edilib, onlar təbiətin çirklənməsinin sağlamlığımıza və həyatımıza vura biləcəyi zərərlər barədə maarifləndirilib.
Mövzu ilə bağlı şagirdlərin fikirləri dinlənilib, suallar cavablandırılıb.
