“Bütün zamanların ən böyük Azərbaycanlısı” mövzusunda sinif təşkilat saatı keçirilib
Dekabrın 8-də Ümummilli Lider Heydər Əliyevin Azərbaycançılıq məfkurəsinin geniş təbliği və 12 dekabr- Anım günü çərçivəsində hazırlanmış Tədbirlər Planına uyğun olaraq ibtidai sinif müəllimi İncili Bayramovanın təşkilatçılığı və 4a sinif şagirdlərinin iştirakı ilə “Bütün zamanların ən böyük Azərbaycanlısı” mövzusunda sinif təşkilat saatı keçirilib.
Müstəqil Azərbaycan dövlətinin qurucusu, dünya şöhrətli siyasətçi, ulu öndər Heydər Əliyevin xalqımız qarşısındakı tarixi xidmətlərindən, dövlətçiliyimizin qorunması naminə həyata keçirdiyi daxili və xarici siyasətdən danışılıb.
Şagirdlər Ulu öndərə həsr edilmiş şeirlər və onun aforizmə çevrilmiş kəlamlarını səsləndiriblər. Hazırladıqları divar qəzetlərini nümayiş etdiriblər.
