Eissavi Muhamməd Mazen oğlunun evi ziyarət olunub
Azərbaycan Respublikası Elm və Təhsil Nazirliyinin 07 sentyabr 2021- ci il tarixli F-429 nömrəli əmri ilə təsdiq edilmiş "27 sentyabr Anım Günü və 8 noyabr Zəfər Günü ilə bağlı Elm və Təhsil Nazirliyinin Tədbirlər Planı" na əsasən noyabrın 7-də məktəbin 9"D" sinif şagirdləri sinif rəhbəri Yelena Arslanovanın rəhbərliyi ilə sinfin adını daşıdığı 44 günlük Vətən müharibəsi şəhidi, məktəbimizin məzunu Eissavi Muhamməd Mazen oğlunun evini ziyarət ediblər.
Eissavi Muhammədin anası İlhamə xanımla şagirdlər arasında maraqlı dialoq olub. Şagirdlər anaya şəhidimizin həyat yolu ilə bağlı onlara maraqlı gələn məqamlara dair suallar ünvanlayıblar, daha sonra öyrəndikləri şeirləri söyləyiblər. İlhamə xanım şəhidimizin əşyaları, medalları ilə şagirdləri yaxından tanış edib. Daha sonra şagirdlərlə birlikdə Hövsan qəsəbəsində yerləşən Şəhidlər xiyabanı ziyarət olunub.
