Azərbaycan Respublikasının Dövlət Bayrağı Gününə həsr olunmuş sinif təşkilat saatı keçirilib
Noyabrın 7-də məktəbin 3 e sinif müəllimi Aynur Şahbazovanın təşkilatçılığı ilə Azərbaycan Respublikasının Dövlət Bayrağı Gününə həsr olunmuş sinif təşkilat saatı keçirilib.
Təşkilat saatının keçirilməsində əsas məqsəd milli atributlarımızın təbliği, şagirdlər arasında vətənpərvərlik hislərinin və milli-mənəvi dəyərlərin aşılanmasıdır.
Azərbaycanın Dövlət Himninin səsləndirilməsindən sonra sinif rəhbəri 9 Noyabr - Dövlət Bayrağı günü haqqında ətraflı məlumat verib. Özünütəsdiq simvolu olan bayrağın bütün dünyada qürur və güvənc mənbəyi sayıldığı, həm də dövlətin və xalqın kimliyinin, apardığı azadlıq mücadiləsinin, təfəkkür və düşüncə tərzinin, mənəvi dünyasının göründüyü ən şəffaf və dəqiq meyar olduğu qeyd olunub.
Daha sonra şagirdlər vətən, bayraq, azadlıq, müstəqillik haqqında şeirlər söyləyib, səhnəciklər nümayiş etdiriblər.
