“8 Noyabr-Zəfər Günü”nə həsr olunmuş nümunəvi sinif təşkilat saatları keçirilib
Noyabrın 7-də məktəbin 1e sinif müəllimi Arifə Quliyeva, 4b sinif müəllimi Alidə Qarayeva, 4ç sinif müəllimi Gülnar Bağırova, 4 d sinif müəllimi Olqa Şahvələdova, 7b sinif rəhbəri Səadət Rəşidova və 7ç sinif rəhbəri Gülnisə Allahverdiyevanın təşkilatçılığı ilə “8 Noyabr-Zəfər Günü”nə həsr olunmuş nümunəvi sinif təşkilat saatları keçirilib.
Məqsəd Ali Baş Komandan İlham Əliyevin rəhbərliyi ilə işğal altında olan ərazilərin azad edilməsində ordumuzun və dövlətimizin əldə etdiyi nailiyyətlərin təşviqi, Azərbaycan Ordusunun şanlı qələbəsi barədə maarifləndirici tədbirlərin görülməsi, Vətən müharibəsində canlarından keçmiş Şəhidlərimizin xatirəsinin əbədiləşdirilməsi və şagirdlərdə vətənpərvərlik hislərinin gücləndirilməsidir.
Dərslərdə qeyd olunub ki, hər bir azərbaycanlının 30 illik torpaq həsrətinə son qoyan Vətən müharibəsi zamanı 44 gün çəkən döyüşlərdə qətiyyətli Ali Baş Komandanın rəhbərliyi altında rəşadətli Ordumuz erməni qəsbkarlarını və onların havadarlarını diz çökdürdü. Qüdrətli və mükəmməl Ali Baş komandanın və müzəffər, yenilməz Ordumuzun sayəsində xalq, millət, dövlət olaraq bütün dünyaya qüdrət və əzəmətimizi yenidən göstərmiş olduq.
Daha sonra şagirdlərin ifasında vətənpərvərlik ruhunda çıxışlar dinlənilib.
