"Salam Şuşa" mövzusunda nümunəvi sinif təşkilat saatı keçirilib
Noyabrın 3-də məktəbin 3ç sinif müəllimi Tamila Qayıbovanın təşkilatçılığı ilə “8 Noyabr-Zəfər Günü”nə həsr olunmuş "Salam, Şuşa" adlı nümunəvi sinif təşkilat saatı keçirilib.
Məqsəd Ali Baş Komandan İlham Əliyevin rəhbərliyi ilə işğal altında olan ərazilərin azad edilməsində ordumuzun və dövlətimizin əldə etdiyi nailiyyətlərin təşviqi, Azərbaycan Ordusunun şanlı qələbəsi barədə maarifləndirici tədbirlərin görülməsi, Vətən müharibəsində canlarından keçmiş Şəhidlərimizin xatirəsinin əbədiləşdirilməsi və şagirdlərdə vətənpərvərlik hislərinin gücləndirilməsidir.
Tədbirdə Şuşa şəhərinin tarixi, mədəniyyəti, abidələri və tarixi şəxsiyyətləri haqqında şagirdlərə ətraflı məlumat verilib. Mövzu ilə bağlı videoçarxlar izlənilib. Şagirdlərin hazırladıqları təqdimatlar dinlənilib.
