"Mən və mənim əhatəm" mövzusunda reproduktiv sağlamlıq məşğələsi keçirilib
Oktyabrın 24-də Fəaliyyət planına uyğun olaraq məktəbin psixoloqları Aytən Musalı və Yeganə Cabbarova tərəfindən 8-ci sinif şagirdləri (qızlar) ilə "Mən və mənim əhatəm" mövzusunda reproduktiv sağlamlıq məşğələsi keçirilib.
Tədbirin keçirilməsində əsas məqsəd şagirdləri reproduktiv saglamlığın bütün komponentləri ilə tanış etmək və sağlam həyat tərzi haqqında məlumatlandırmaq idi.
Məşğələ "Mən kiməm? "sorğusu ilə başlayıb. Sorğudan sonra şagirdlərlə "Yeniyetməlik və dostluq", eyni zamanda yeniyetmə qız və oğlan arasında düzgün dostluq münasibətlərinin mahiyyəti haqqında diskusiya aparılıb.
