"1 iyun - Uşaqların Beynəlxalq Müdafiəsi Günü" nə həsr olunmuş tədbir keçirilib
İyunun 1-də ibtidai sinif müəllimlərinin və sinif şagirdlərinin iştirakı ilə "1 iyun - Uşaqların Beynəlxalq Müdafiəsi Günü" nə həsr olunmuş "Uşaqlar bizim gələcəyimizdir" adlı tədbir keçirilib.
Tədbirdə ölkəmizdə uşaqlara göstərilən dövlət qayğısından, Ümummilli liderimiz Heydər Əliyevin məqsədyönlü siyasətini uğurla davam etdirən Azərbaycan Respublikasının Prezidenti cənab İlham Əliyevin, habelə Birinci vitse-prezident, Heydər Əliyev Fondunun prezidenti xanım Mehriban Əliyevanın böyük diqqətindən söz açaraq, uşaq hüquqlarının təmin olunmasına mühüm əhəmiyyət verildiyi barədə danışılıb, digər hüquqlarla yanaşı, uşaq hüquqlarının müdafiəsinə və təbliğinə yönəlmiş mühüm tədbirlərin həyata keçirildiyi haqqında məlumat verilib.
Daha sonra şagirdlərin ifasında şeirlər, aforizmlər səsləndirilib.
