“Şən startlar” yarışı keçirilib
Mayın 23-də təsviri incəsənət, texnologiya, fiziki tərbiyə aylığı çərçivəsində "Məktəblinin dostu" layihəsinin təşkilatçılığı və fiziki tərbiyə müəllimlərinin təşkilatçılığı ilə 5 a, 5 b, 5 c, 5 d, və 5 ə sinif şagirdlərinin iştirakı ilə “Şən startlar” yarışı keçirilib.
Uşaqların idmana olan maraqlarını artırmaq məqsədi ilə təşkil olunmuş bu yarışda şagirdlərimiz öz güclərini sınayıblar və qələbə uğrunda böyük həvəslə mübarizə aparıblar.
Tədbirdə məktəb rəhbərliyi, müəllimlər və şagirdlər iştirak ediblər.
Sonda münsiflər heyətinin üzvləri qalib komandanı elan ediblər. 5 d sinfini təmsil edən “Şuşa” komandası 1-ci yeri qazanıb. Qalib komanda və digər komandalar fəxri fərmanla təltif olunub.
