"Zərərli vərdişlərə yox deyək!" mövzusunda sinif təşkilat saatları keçirilib
Martın 30-da 11 a sinif müəllimi Qönçə Süleymanova və 10 a sinif müəllimi Aysel Məmmədovanın təşkilatçılığı ilə "Zərərli vərdişlərə yox deyək!" mövzusunda sinif təşkilat saatları keçirilib.
Şagirdlərə spirtli içkilər, tütün, narkomaniyanın cəmiyyətə və insan sağlamlığına zərəri, onun doğurduğu fəsadlar haqqında həm şifahi, həm də videoçarxlar vasitəsilə məlumat verilib. Sinif rəhbəri zərərli vərdişlərin insanın fiziki sağlamlığına və psixologiyasına vurduğu zərərlər, ailədaxili münasibətlərdə yaratdığı problemlər barədə məlumat vermiş, onları yaxşı vərdişlər qazanmağa və öz sağlamlıqlarının qeydinə qalmağa səsləmişlər.
Tədbirdə mövzu ilə bağlı müzakirələr təşkil olunmuş, şagirdlərin sualları cavablandırılmışdır.
