"Sönməz, əbədidir Heydər Əliyev" adlı anım tədbiri keçirilib
Dekabrın 8-də 4a sinif müəllimi Aybəniz Heydərovanın təşkilatçılığı ilə Ümummilli Lider Heydər Əliyevin xatirəsinə həsr olunmuş "Sönməz, əbədidir Heydər Əliyev" adlı anım tədbiri keçirilib.
Tədbirin keçirilməsində məqsəd Ümummilli Lider Heydər Əliyevin Azərbaycançılıq məfkurəsinin uşaq və yeniyetmələr arasında geniş təbliğ edilməsi, Ulu Öndərin xatirəsinin əbədiləşdirilməsi, şagirdlərdə vətənpərvərlik hislərinin gücləndirilməsidir.
Çıxış edənlər dahi şəxsiyyətin şərəfli ömür yolundan və xalqımız üçün xidmətlərindən danışıb, onun xalqımız və dövlətimiz qarşısında göstərdiyi müstəsna tarixi xidmətlərini vurğulayıblar. Heydər Əliyevin şəxsiyyət kimi gerçək xüsusiyyətləri, fikir və ideallarını dərindən öyrənməyin və onun gənc nəslə yüksək səviyyədə öyrətməyin mühüm əhəmiyyət kəsb etdiyi bildirilib.
Məktəblilər Ulu Öndərin əziz xatirəsinə həsr olunmuş şeirlər söyləyib,mahnılar səsləndirib, ədəbi-bədii kompozisiya nümayiş etdiriblər. Həmçinin Ulu Öndərin həyat və fəaliyyətini əks etdirən videoçarxlar nümayiş etdirilib.
