“Laçın sən azadsan” mövzusunda sinif təşkilat saatı keçirilib
01.12.2022- ci il tarixində Bakı Şəhəri Ə. Məmmədov adına 76 nömrəli tam orta məktəbin 4c sinfində Təranə Cəfərovanın təşkilatçılığı ilə “Laçın sən azadsan” mövzusunda sinif təşkilat saatı keçirilib.
Məqsəd Ali Baş Komandan İlham Əliyevin rəhbərliyi ilə işğal altında olan ərazilərin azad edilməsində ordumuzun və dövlətimizin əldə etdiyi nailiyyətlərin təşviqi, Azərbaycan Ordusunun şanlı qələbəsi barədə maarifləndirici tədbirlərin görülməsi, Vətən müharibəsində canlarından keçmiş Şəhidlərimizin xatirəsinin əbədiləşdirilməsi və şagirdlərdə vətənpərvərlik hislərinin gücləndirilməsidir.
Sinif saatın da qeyd olunub ki, iki il öncə dekabrın 1-də Laçın şəhəri 27 illik işğaldan sonra azad edilib. Laçın şəhəri azad edilməsi uğrunda döyüşən, canından keçən qəhrəman oğullarımızı xalqımız və dövlətimiz unutmur, onların sücaəti yüksək qiymətləndirilir.
Daha sonra şagirdlərin mövzu ilə bağlı çıxışları dinlənilib.
