“Böyük zəfər” mövzusunda tədbir keçirilib
Noyabrın 5-də 8 Noyabr-Zəfər Günü”nə həsr olunmuş “Böyük zəfər!” mövzusunda tədbir keçirilib.
Məqsəd Ali Baş Komandan İlham Əliyevin rəhbərliyi ilə işğal altında olan ərazilərin azad edilməsində ordumuzun və dövlətimizin əldə etdiyi nailiyyətlərin təşviqi, Azərbaycan Ordusunun şanlı qələbəsi barədə maarifləndirici tədbirlərin görülməsi, Vətən müharibəsində canlarından keçmiş Şəhidlərimizin xatirəsinin əbədiləşdirilməsi və şagirdlərdə vətənpərvərlik hislərinin gücləndirilməsidir.
Şəhidlərimizin əziz xatirəsinin yad edildiyi və Dövlət Himnimizin səsləndirildiyi tədbirlərdə çıxış edənlər 44 günlük Vətən müharibəsində qazanılan qələbədən, dövlət-xalq-ordu birliyindən danışıb, müharibə iştirakçıları öz döyüş xatirələrini bölüşüblər.
Daha sonra şagirdlər qələbəyə aparan yolu özündə əks etdirən səhnəciklər canlandırıb və ədəbi-bədii kompozisiya ilə çıxış ediblər.
