"Ailəm və məktəbim" layihəsi çərçivəsində valideynlərlə növbəti seminar keçirildi
Ailə-məktəb münasibətlərinin səmərəli təşkili böyüməkdə olan gənc nəslin motivasiya sahəsinin, əxlaqi şüurunun formalaşmasına, uşağın cəmiyyətdəki rolunu müəyyənləşdirməsinə və özünü dərk etməsinə, bilik və bacarıqlarını inkişaf etdirməsinə sistemli töhfə verir.
Ailə-məktəb münasibətlərinin sağlam pedaqoji, psixoloji əsaslar üzərində, qarşılıqlı hörmət və əməkdaşlıq əsasında qurulması cəmiyyətin inkişafını şərtləndirən amillərdəndir.
Cəmiyyətin təməlini təşkil edən və dəyərlərini yaşadan ailələr və ümumtəhsil məktəbləri arasında səmərəli əməkdaşlığı təşviq etmək və BŞTİ- nin 18.04.2022-ci il tarixli F-145 №-li əmrinin icrasının təmin edilməsi məqsədilə peşəkar mütəxəssislərin iştirakı ilə valideynlər üçün təlim və seminarların təşkili nəzərdə tutulmuşdur. Mayın 18-də "Məktəblinin dostu" layihəsinin psixoloqu Mehriban Verdiyeva valideynlərlə "Yeniyetməlik dövrünün çətinlikləri və onların həlli yolları" mövzusunda seminar keçirdi. Tədbirin sonunda valideynlərin sualları cavablandırıldı.
