Əziz şəhid, sənə bir ömür borcumuz var
Məktəbin Fəaliyyət planına uyğun olaraq şagirdlərdə xalqımıza qarşı törədilmiş faciələr haqqında bilgilərin artırılması, tarixi hadisələrə düzgün rəy vermək bacarığının formalaşdırılması, xalqımızın qəhrəmanlıq salnaməsinin təbliği və ümumxalq hüzn günlərinə həsr olunmuş tədbirlərin keçirilməsi məqsədilə "27 sentyabr Anım Günün keçirilməsi" barədə BŞTİ-nin müvafiq əmrinə əsasən məktəb üzrə əmrlə Tədbirlər Planı hazırlanıb təsdiq edilmişdir. Tədbirlər planına uyğun olaraq Azərbaycanın hərb tarixinə qızıl hərflərlə yazılan 44 günlük İkinci Qarabağ müharibəsində doğma torpaqlarımızın hər qarışı uğrunda son damla qanınadək döyüşərək əsl qəhrəmanlıq nümunəsi göstərən məktəbimizin şəhid məzunu Eissavi Muhəmmədin şəhadətinin ildönümü keçirilir.
Noyabrın 9-da məktəbin direktoru Nəsimi Quliyevin və Yelena Arslanovanın rəhbərliyi ilə 7”D” sinif şagirdləri və valideynləri Şəhidin ailə üzvləri, anası, qardaşı, rayon ictimaiyyətinin nümayəndələri, yaxın qohumları və sinif yoldaşları ilə bərabər şəhidin məzarını ziyarət edib məzarı üzərinə gül dəstələri düzülüb və onun əziz xatirəsi böyük ehtiramla yad edilib.
Sinif müəllimi Yelena Aslanova çıxış edərək qəhrəman övladladımız haqqında xatirələrini bölüşmüş, şagirdlər qəhrəmanlıq və vətənpərvərlik mövzularında şeirlər səsləndirmişdilər.
Başın sağ olsun Vətən.
Əziz şəhid, sənə bir ömür borcumuz var.
