Əziz şəhid, sənə bir ömür borcumuz var
Məktəbin Fəaliyyət planına uyğun olaraq şagirdlərdə xalqımıza qarşı törədilmiş faciələr haqqında bilgilərin artırılması, tarixi hadisələrə düzgün rəy vermək bacarığının formalaşdırılması, xalqımızın qəhrəmanlıq salnaməsinin təbliği və ümumxalq hüzn günlərinə həsr olunmuş tədbirlərin keçirilməsi məqsədilə "27 sentyabr Anım Günün keçirilməsi" barədə BŞTİ-nin müvafiq əmrinə əsasən məktəb üzrə əmrlə Tədbirlər Planı hazırlanıb təsdiq edilmişdir.
Tədbirlər planına uyğun olaraq Azərbaycanın hərb tarixinə qızıl hərflərlə yazılan 44 günlük İkinci Qarabağ müharibəsində doğma torpaqlarımızın hər qarışı uğrunda son damla qanınadək döyüşərək əsl qəhrəmanlıq nümunəsi göstərən məktəbimizin şəhid məzunları Şükürov Vüsalın və Eissavi Muhəmmədin şəhadətlərinin ildönümü keçirilir. Noyabrın 3-də keçirilən anım günündə məktəbin müəllim və şagird kollektivi ilə yanaşı Şəhidlərin ailə üzvləri, anası, qardaşı, yaxın qohumları və sinif yoldaşları da iştirak edirdilər.
Tədbirdə çıxış edənlər qəhrəman övladlarımız haqqında xatirələrini bölüşmüş, şagirdlər qəhrəmanlıq və vətənpərvərlik mövzularında şeirlər səsləndirmişdilər.
Başın sağ olsun Vətən.
Əziz şəhid, sənə bir ömür borcumuz var.
