Qalib şagirdlər təltif olundular
Oktyabr ayı məktəbdə fizika aylığı elan olunmuşdu. Aylıq çərçivəsində məktəbdə divar qəzetlərinin buraxılması, açıq dərslərin keçirilməsi, dərsdinləmələr, müxtəlif tədbirlərin hazırlanması, debat və dəyirmi masaların, ekskursiyaların təşkili, həmçinin şagirdlərin bilik və bacarıqlarının yoxlanılması və monitorinqlərin keçirilməsi nəzərdə tutulmuşdu.
Aylığın tədbirlər planına müvafiq olaraq məktəbin fizika müəllimi Esmira Bekerovanın təşkilatçılığı ilə oktyabrın 28-də 9-11-ci sinif şagirdlərinin iştirakı ilə "Gənc fiziklərin yaradıcılıq müsabiqəsi" keçirilmişdi. Bu gün müsabiqənin qalibi olan "Aristotel" komandasının üzvləri "Fəxri Fərman"la təltif olundular.
