26 iyun Azərbaycan Respublikası Silahlı Qüvvələri gününə həsr olunmuş ekskursiya ediblər
Azərbaycan Respublikası Təhsil Nazirliyinin 16.11.2020-ci il tarixli, F-512 nömrəli əmri ilə təsdiq olunmuş "Azərbaycan xalqının tarixi qələbəsinin tədrisdə əks etdirilməsi haqqında" Təhsil Nazirliyinin 2020/2021-ci tədris ili üçün Fəaliyyət Planına uyğun olaraq məktəbin 2 “A” sinif şagirdləri sinif müəllimi Aybəniz Heydərovanın təşkilatçılığı ilə Şanlı Azərbaycan Ordusunun 44 günlük Vətən Müharibəsində qazandığı tarixi zəfərin rəmzi olan “Hərbi Qənimətlər Parkı”na 26 iyun Azərbaycan Respublikası Silahlı Qüvvələri gününə həsr olunmuş ekskursiya ediblər.
Qənimətlər Parkına gələn şagirdlər Azərbaycan Respublikasının ərazi bütövlüyünün bərpası uğrunda 27 sentyabr - 10 noyabr 2020-ci il tarixlərində 44 gün davam edən Vətən müharibəsi zamanı müzəffər Azərbaycan ordusunun işğalçı Ermənistanı döyüş meydanında məğlub etməsi nəticəsində zərərsizləşdirilmiş yüzlərlə erməni əsgərinin dəbilqələri və Ermənistan Silahlı Qüvvələri qoşunlarının mum manikenləri ilə yaxından tanış olublar.
