“Vətən müharibəsi”ndə iştirak etmiş məktəbin məzunu ilə görüş keçirildi
Azərbaycan Respublikası Təhsil Nazirliyinin 16.11.2020-ci il tarixli F-512 nömrəli əmrinin icrası ilə əlaqədar olaraq “Azərbaycan xalqının tarixi qələbəsinin tədrisdə əks etdirilməsi haqqında” Təhsil Nazirliyinin 2020/2021-ci tədris ili üçün Fəaliyyət Planına əsasən 27.05.2021-ci il tarixində məktəbin 6 “D” sinfində rus dili və ədəbiyyat müəlimi Yelena Arslanovanın təşkilatçılığı ilə "Vətən müharibəsi"ndə iştirak etmiş məktəbin məzunu Timur Potapov ilə görüş keçirildi.
Görüşdə Timur Potapov şagirdlərin suallarına həvəslə cavab verərək Qarabağ müharibəsində yenilməz Azərbaycan ordusunun qazandığı uğurlardan, əsgərlərimizin igidliklərindən, ruh yüksəkliklərindən danışdı. 44 günlük Vətən müharibəsində Azərbaycan ərazilərinin işğaldan azad olunması zamanı həm piyada qoşunları, həm hərbi əməliyyatlarda iştirak edərək Cəbrayıl, Xocavənd, Fizulinin işğaldan azad edilməsi uğrunda aparılmış döyüş əməliyyatlarında şəxsi igidlik və şücaət nümayiş etdirmişdir.
