Pedaqoji şuranın növbəti iclası keçirilib
Yanvarın 29-da Pedaqoji şuranın növbəti iclası distant formada təşkil keçirilmişdir. İclasda I yarımilin yekunları, ll yarımildə qarşıda duran vəzifələr müzakirə olunub.
Məktəbin direktoru Nəsimi Quliyev "Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları" barədə təlimatı şura üzvlərinin diqqətinə çatdırıb.
“Xüsusi karantin rejimi dövründə ümumi təhsil pilləsində təhsilalanların attestasiyasının (məktəbdaxili qiymətləndirmənin) aparılmasının müvəqqəti Qaydası” na müvafiq olaraq təşkil olunmuş qiymətləndirmənin nəticələri məktəbin təlim- tərbiyə işləri üzrə direktor müavinləri Bahar Həsənova və Aidə Eyvazova tərəfindən təhlil edilib.
İclas çərçivəsində sual doğuran məqamlar müzakirə edilib, müəllimlərin sualları cavablandırılıb.
