“Tarix yazan qəhrəmanlar”adlı onlayn sinif təşkilat saatı keçirildi
Bakı şəhəri Ə. Məmmədov adına 76 nömrəli tam orta məktəbin 2 “A” sinif müəllimi Aybəniz Heydərovanın təşkilatçılığı ilə “Tarix yazan qəhrəmanlar”adlı onlayn sinif təşkilat saatı keçirildi.
Azərbaycanın ərazi bötövlüyü, torpaqlarımızın azadlığı uğrunda qəhrəmancasına vuruşan Baş Leytenant Qazi Vüsal Ağalarov və şəhid Ramin Quliyev Rizvan oğlunun Anası qonaq qismində dəvət olundu.
Şəhidimizin Anası çıxış edərək Raminin torpaqlarımızın azad edilməsi uğrunda əzm və qəhrəmanlıqla döyüşüb, düşmənin xeyli sayda canlı qüvvəsini məhv etiyini bildirdi.
Ölümü ilə ölümsüzlük qazanan qəhrəman gənclə bu gün təkcə ailəsi deyil, onu tanıyan hər kəs qürur duyur. Maraqlı diskusiya şəkilində baş tutan təşkilat saatında şagirdlər "Azərbaycan", "Vətən", "Bayraq" mövzularında şeirlər söyləyib, video təqdimatlar nümayiş etdirdilər. Şəhidlərimizin qarşısında baş əyirik.
