VƏTƏN MÜHARİBƏSİNDƏ ŞƏHİD OLAN MƏZUN SƏNİNLƏ QÜRUR DUYURUQ
Məktəbimizin məzunu Vüsal Şükürov 15 noyabr 1995-ci ildə Ağcabədi rayonunun Şahmallar kəndində dünyaya göz açmışdır. İbtidai təhsilə 2002-ci ildə Şahmallar kənd orta məktəbində başlamışdır. 2003-cü ildə ailəsi ilə birlikdə Bakı şəhəri, Suraxanı rayonu, Hövsan qəsəbəsinə köçmüş, təhsilini burada Ə.Məmmədov adına 76 saylı orta məktəbdə davam etdirmişdir. 27 sentyabr döyüşlər başlayan gündən ön cəbhədə düşmənlə ölüm-dirim savaşına girir. Şuşa uğrunda döyüşlərdə iştirak edib. Cəbhə yoldaşlarının sözlərinə görə, Vüsal qorxmaz döyüşçü imiş. Şəhadətindən iki gün öncə dostları ilə görüşdə şəhid olacağını hiss etdiyini söyləmişdir.
