Biz birlikdə güclüyük! Qarabağ Azərbaycandır
Bu gün dövlətimizin ordumuza olan diqqət və qayğısı ən yüksək səviyyədə təşkil olunub. Buna görə də Cənab Ali Baş komandanın verdiyi hər bir əmr rəşadətli ordumuz tərəfindən yerinə yetirilir və işğal edilmiş torpaqlarımız qarış-qarış düşməndən təmizlənir. Müzəffər ordumuza xalqımızın dəstəyi də olduqca yüksəkdir.
Məktəbimizin də pedaqoji heyətinin, şagird və valideynlərin təşəbbüsü ilə işğal altında olan torpaqlarımızın azadlığı, Vətənin bütövlüyü uğrunda mübarizə aparan ön cəbhədəki əsgərlərə hərtərəfli dəstək göstərilir. Şagirdlərin böyük həvəs və ruh yüksəkliyi ilə yazdıqları məktublar da əsgərlərə təqdim olunur.
Qeyd edək ki, dəstək aksiyalarının təşkilində əsas məqsəd xalq-ordu birliyini daha da möhkəmləndirmək, cəmiyyətdə vüsət alan yardımlaşma təşəbbüslərinin genişlənməsinə nail olmaq, xalqın sarsılmaz həmrəyliyini nümayiş etdirmək və Azərbaycan Ordusunun qəhrəmanlıq salnaməsinə diqqəti cəlb etməkdən ibarətdir.
