Müstəqilliyimiz əbədidir
Məktəbimizdə Dövlət Müstəqilliyi gününə həsr olunmuş sinif saatları keçirilir. Dərslərdə şagirdlər tərəfindən torpaqlarımızın azadlığı və bütövlüyü uğrunda şəhid olan Vətən övladlarının ruhu yad edilir.
Vətənpərvərlik mövzusunda keçirilən dərslərdə də şagirdlər Ermənistan silahlı birləşmələri tərəfindən dinc əhalinin intensiv atəşə tutulması, Azərbaycan Ordusu tərəfindən düşmən təxribatının qarşısının qəhrəmanlıqla alınması barədə fikirlərini bildirirlər. Oktyabrın 15-də məktəbin 3"A" sinfində Ülviyyə Əliyeva Müstəqillik gününə həsr olunmuş sinif saatı keçmişdir.
Məktəblilər Ali Baş Komandan İlham Əliyevin rəhbərliyi altında üçrəngli bayrağımızın doğma Qarabağın hər bir guşəsində dalğalanacağına inandıqlarını bildirir, "Qarabağ bizimdir, bizim olacaq!", "Şəhidlər ölməz, vətən bölünməz!", "Biz birlikdə güclüyük!", "Azərbaycanın güclü ordusu var!" və digər bu kimi fikirləri ifadə edirlər.
Qeyd edək ki, dəstək aksiyalarının əsas məqsədi uşaq və gənclərin milli ideologiyamız olan azərbaycançılıq məfkurəsi əsasında tərbiyə edilməsi, vətənpərvər ruhda böyüməsi istiqamətində görülən işlərin davamlı təşkilinə nail olmaq, döyüşlərdə şəhid olanların xatirəsini ehtiramla yad etmək, Azərbaycan Ordusunun göstərdiyi şücaətə uşaq və gənclərin diqqətini cəlb etməkdən ibarətdir.
