“Uşaq ədəbiyyatında hikmət xəzinəsi” adlı ədəbi bədii gecə keçirildi
Aprelin 24-də 75 nömrəli tam orta məktəbin 4b sinfində “Oxu günü” nə həsr olunmuş ədəbi bədii gecə keçirildi. "Mütaliəni həyat tərzinə çevirək" devizi altinda keçirilən bu tədbir məktəbin kitabxana müdiri Nargilə xanımın və sinif müəllimi Əminə Vəliyevanın birgə fəaliyyəti ilə ərsəyə gəldi. Şagirdlərin bədii ,elmi-kütləvi ədəbiyyat nümünələrinin mütaliəsinə həvəsləndirilməsi məqsədilə keçirilən tədbirə müəlimlər, valideynlər və Sabunçu rayonu MKS nin 12 saylı kitabxana filialının müdiri Vəsilə xanım dəvət olunmuşdu. 4b sinfinin şagirdləri elm, zəhmət, sözün dəyəri,doğruluq və s. kimi insani dəyərlərə aid atalar sözləri, məsəllər, həmçinin Azərbaycan,rusklassiklərindən N.Gəncəvi,S.Şirazi,M.Ə.Sabir,A.Şaiq,A.Səhhət,
İ.Krılovun əsərlərini, ibrətamiz hekayələri səhnələşdirərək bilik və istedadlarini məharətlə nümayiş etdirdilər. Dəvət olunan qonaqlar çıxış edərək mütaliənin dəyərini və vacibliyini haqqında oz fikirlərini və tövsiyələrini bildirdilər. Kitabxana xətti ilə bədii əsərlərin oxusu və müzakirələrin təşkiıini vacibliyini əks etdirən bu tədbirdə belə bir nəticəyə gəldik: ”Oxuduqlarımı ayaqlarım altına qoysam əlim oxumadıqlarıma çatmaz”..
