75 №-li tam orta məktəb

Bakı Şəhəri üzrə Təhsil İdarəsi tərəfindən keçirilən "Yaradıcı müəllim: yaradıcı tətbiqetmə" təqdimat müsabiqəsinin qalibləri mükafatlandırılıb.Mükafatçılar sırasında 75 nömrəli tam orta məktəbin ibtidai sinif müəllimləri Əliyeva Aysel və Orucova Könül təşəkkürnamə ilə təltif olunublar.Müəllimlərimizi təbrik edir və onlara uğurlar arzulayırıq.

Bakı şəhəri üzrə Təhsil İdarəsi və Azərbaycan Gənc Müəllimlər Assosiasiyasının təşkilatçılığı ilə ibtidai sinif müəllimləri arasında, AGMA-nın ibtidai sinif Müəllimləri Birliyinin koordinatoru Aysel Əliyeva tərəfindən təqdimat keçirilib.Təqdimatdan sonra müəllimlər üçün Gənc İbtidai Sinif Müəllimləri Birliyinin sədri Ülviyyə Ələkbərova tərəfindən 28 yanvar 2025 - ci il tarixdə X.Vəliyev adına 75 nömrəli tam orta məktəbdə “Zəif şagirdlərlə iş”mövzusunda seminar keçirildi.

22 Yanvar 2025 - ci il tarixdə müəyyən olunmuş qrafikə əsasən V və VI siniflər üzrə riyaziyyat, ingilis dili fənlərindən BSQ materialları işlədildi.

Əsas məqsədimiz şagirdlərin tədris prosesində əldə etdikləri bilik və bacarıqlarını yoxlamaq, həmçinin təlimdəki irəliləyişlərini və çətinliklərini müəyyənləşdirməkdir.

VIII siniflər arasında təbiət elmləri üzrə bilik yarışması keçirildi .Yarışmada 4 komanda "Təbiətşünaslar", "Bilik mənbəyi", "Zəfər" və "Qəhrəmanlar" komandaları kimya,biologiya,fizika fənlərindən I yarımil ərzində öyrəndikləri bilikləri nümayiş etdirdilər.

Yarışma 3 mərhələdə keçirildi I yer "Təbiətşünaslar", II yer "Zəfər" , III yer "Qəhrəmanlar" komandası oldu.

Mərhələlər arası fasilələrdə şagirdlər fənlər üzrə təqdimatları ilə çıxış etdilər, həmçinin kiçik səhnəciklərlə öz bacarıqlarını nümayiş etdirdilər.

17 Yanvar 2025 - ci il tarixdə məktəbin 5, 8, 10 - cu sinif şagirdləri və UBTR-i Əhmədova Könülün təşkilatçılığı ilə 20 yanvar faciəsinin 35 - ci il dönümü münasibətilə tədbir təşkil olunub. İlk öncə şəhidlərin müqəddəs ruhları bir dəqiqəlik sükutla yad edildi. Sonra şagirdlər 20 yanvar şəhidlərinin xatirəsinə həsr olunmuş səhnəciklər,şeirlər və mahnı söylədilər.

Sonda məktəbin tarix müəllimi Abdullayeva Eldanə və təşkilatçı müavin Əmənov Bədəl müəllim çıxış edərək 20 yanvar faciəsinin tarixi haqqında geniş məlumat verərək tədbiri yekunlaşdırdılar.