ŞƏHİD AİLƏLƏRİ UNUDULMUR
Məktəbin V b sinif şagirdləri sinif rəhbəri Aysel Şahbazova və məktəbin kitabxanaçısı Nargilə müəllimə ilə 44 Günlük Vətən müharibəsində igidlik göstərən şəhid İsmayılov Veyis Əflatun oğlunun ev muzeyini ziyarət etdilər. Müəllimlər Vətənimizin bütövlüyü və torpaqlarımızın işğaldan azad edilməsi uğrunda 44 günlük Vətən müharibəsində yüzlərlə gəncin qəhrəmanlıqla döyüşdüyünü, adları Vətən tarixinə qızıl hərflərlə yazılan şəhidlərimizin daim hörmət və ehtiramla yad edildiyini, onların gələcək nəsillərə örnək olduğunu şagirdlərin diqqətinə çatdırıb. Tarixi Qələbənin şəhidlərin qanı bahasına əldə edildiyini vurğulayıb və belə vətənpərvər, mərd, şücaətli övladlar böyütdüklərinə və övladlarının şəhadətə yüksəlmə xəbərini qürur hissi ilə qarşıladıqlarına görə şəhid ata və anasına təşəkkürlərini bildirib. Dövlətimizin və xalqımızın hər zaman şəhidlərin əziz xatirəsini uca tutacağını və şəhid ailələrinin həmişə dövlətimizin diqqət və qayğısı ilə əhatə olunacağını diqqətə çatdırıb.
