Bakı Şəhər Gənclər və İdman İdarəsinin və Azərbaycan Badminton Federasiyasının birgə təşkilatçılığı ilə badminton üzrə yeniyetmə və gənclər üçün ustad dərsi keçirilib.
07.05.2024-cü il tarixində M.Rahim adına 7 nömrəli tam orta məktəbdə Bakı Şəhər Gənclər və İdman İdarəsinin və Azərbaycan Badminton Federasiyasının birgə təşkilatçılığı ilə badminton üzrə yeniyetmə və gənclər üçün ustad dərsi keçirilib.
30 nəfər ( 15 qız, 15 oğlan) şagirdin iştirak etdiyi təlim Badminton Federasiyasının təlimçisi Kərim Musayev tərəfindən həyata keçirilib.
Təlimin məqsədi Səbail rayonunda badminton idman növünün təbliği və inkişafıdır.
Dərslərin yekununda bütün iştirakçı şagirdlərə BŞGİİ tərəfindən sertifikatlar, təlimçiyə isə təşəkkürnamə təqdim olunub.
Qeyd edək ki, tədbirdə BŞGİİ-nin Səbail rayonu üzrə gənclər və idman sektorunun aparıcı məsləhətçisi Nail Bağırzadə, 7 nömrəli tam orta məktəbin direktoru Könül Təhməzova iştirak ediblər.
