7 nömrəli tam orta məktəbdə hazırda idman həftəsi davam edir.
Layihə çərçivəsində şagirdlərimiz məktəbin idman zalında gimnastik hərəkətlər ediblər.
“5 mart - Bədən Tərbiyəsi və İdman Günü” münasibətilə ümumi təhsil müəssisələrində idman həftəsi keçirilir.
Məqsəd şagirdlərin idmana olan marağının artırılması, sağlam həyat tərzinin təbliğidir.
Layihə çərçivəsində tərtib edilmiş proqrama uyğun olaraq məktəblilərin iştirakı ilə gündəlik gimnastik hərəkətlər, maarifləndirmə, görüşlər, müsabiqələr, yarışlar, şagirdlərin mükafatlandırması və digər tədbirlər təşkil ediləcək.
Qeyd edək ki, layihə təhsilalanların sağlamlıqlarının möhkəmləndirilməsi, fiziki inkişafının təmin edilməsi, onlarda müsbət emosiyaların dayanıqlı olması, idman və bədən tərbiyəsinin inkişafı, bu sahədə kütləviliyin təmin edilməsi istiqamətində təhsil sistemi qarşısında qoyulmuş hədəflər baxımından xüsusi əhəmiyyət kəsb edir.
