Məktəbimizin Kimya dərnəyinin və kiçik akademiyanın üzvləri ADPU- nun kitabxanasında olublar.
ADPU və Məmməd Rahim adına 7 nömrəli tam orta məktəbin əməkdaşlığı çərçivəsində məktəbimizin Kimya dərnəyinin və kiçik akademiyanın üzvləri ADPU- nun kitabxanasında olublar. Kitabxananın müdiri Zinharə xanım 1 əsrlik tarixi qədim kitabxana haqqında ətraflı məlumat verdi. Şagirdlərin suallarını səbrlə və maraqla cavablandırdı. Kitabxanada XVIII əsrə aid olan dəri cildli qədim kitablarla tanışlıq şagirdləri kitabxanaya daha da cəlb etdi. Daha müasir, XXI əsrin xüsusiyyətlərini özündə saxlayan elektron kitabxanaya daxil olduqda şagirdlər müasir, rəqəmsal texnologiyalarla təchiz olunmuş bu mühitdən xüsusi zövq aldılar. Bu kitabxananın əsas özəllikləri ilə tanış oldular. STEAM, Fənn bilimləri, Özünü inkişaf və s .intellektual məzmunlu kitablardan müəyyən mövzular seçib zamanlarını daha da dəyərləndirdilər. Kitabxananın xüsusi kafeteriyasinda çay və şirniyyata qonaq oldular.
Yaradılmış şəraitə görə Universitet rəhbərliyinə, professor C.Cəfərova, Kimya və biologiya fakültəsinin dekanı dos.R.Agayevaya və kitabxananın müdiri Zinharə xanıma, Ümumi kimya və KTT kafedrasının baş müəllimi R.İ.Camalovaya, M.Rahim adına 7 nömrəli tam orta məktəbin direktoru K.Təhməzovaya xüsusi təşəkkürlərimizi çatdırırıq.
