Məktəbimiz Situasiya Mərkəzində
06.11.2024-cü il tarixində "Yaşıl dünya naminə" çərçivəsində Xətai rayonu Elşad Yəhyayev adına 56 saylı tam orta məktəbin "Azərbaycan dili və ədəbiyyat" müəllimləri Natəvan Məhərrəmova və Gülnar Xəlilovanın təşəbbüsü ilə VIA,VIIb sinif şagirdləri Situasiya Mərkəzində ekskursiyada olmuşdular.Tədbir zamanı onları qarşılayan Hidrometerologiya Xidmətin rəis müavini Gülnarə Abbasova məktəblilərə Hidrometeorologiya muzeyində yer alan milli hidrometeorologiya tariximizi əks etdirən foto şəkillər, eksponatlar, ölçü cihazları nümayiş etdirdi.Daha sonra Situasiya Mərkəzində şagirdlərə hidrometeoroloji müşahidələrin təşkili, hidrometeoroloji məlumatların qəbulu, emalı, vizuallaşması, həmçinin əldə edilmiş məlumatlar əsasında hava proqnozunun hazırlanması prosesi izah olunub.Tədbirin sonunda şagirdlərlə ətraf mühitin mühafizəsində, ətraf mühitin qorunmasında kiçik yaşlıların rolu barədə diskussiya aparılıb, eyni zamanda uşaqlara ekologiya sahəsində görülən tədbirlər barədə məlumat verilib.
