“Zamanı qabaqlayan dahi”
Dekabrın 5–də məktəbin tarix müəllimi Şair Quliyev 9A və 9C sinif şagirdlərinin iştirakı ilə Yasamal rayon Heydər Əliyev Mərkəzində Ulu Öndər Heydər Əliyevin anım günü ilə əlaqədar “Zamanı qabaqlayan dahi” mövzusunda açıq dərs keçirib.
Şagirdlər öncə Mərkəzin Muzey bölməsində Ulu Öndər Heydər Əliyevin əziz xatirəsini yad edib. Mərkəzin bələdçisi Mayrux Cavadova Ulu öndərin həyatının və ictimai–siyasi fəaliyyətinin müxtəlif dövrlərini, zəngin və çoxşaxəli siyasi irsini, ölkəmizin tərəqqisi uğrunda göstərdiyi çox saylı xidmətləri özündə əks etdirən eksponatlar və fotoşəkillər haqqında şagirdlərə məlumat verib.
Çıxış edən Şair müəllim Heydər Əliyevin uzaqgörən şəxsiyyət, dahi lider, fenomenal dövlət xadimi kimi Azərbaycan xalqının yaddaşında böyük şəxsiyyət olaraq qalacağını bildirib.
Açıq dərs şagirdlərin mövzu ətrafında maraqlı diskusiyaları ilə davam edib. Şagirdlər Heydər Əliyev haqqında şeir nümunələri səsləndiriblər.
Sonda Ümummili liderin anım günü ilə bağlı videoçarx nümayiş olunub.
