12 noyabr-Konstitusiya Günü
Məktəbin 5f sinfinin sinif rəhbəri Vəfa Sadıqova şagirdləri ilə birgə 12 noyabr - Konstitusiya Gününü qeyd edib.
Tədbirdə məktəbin direktoru Tünzalə Zeynalova, direktor müavinləri və fənn müəllimləri iştirak edib.
Tədbir Azərbaycan Respublikasının Dövlət Himninin səslənməsi ilə başlayıb.
Çıxış edən müəllimə bildirib ki, 1995-ci il noyabrın 12-də Azərbaycan xalqı referendum yolu ilə öz dövlətinin Əsas Qanununu - Konstitusiyasını qəbul edib. Bu Konstitusiyanın müstəqilliyini bərpa etmiş Azərbaycan dövlətinin ilk milli Konstitusiyası olduğunu, ölkədə demokratik, hüquqi, dünyəvi və unitar dövlət qurulması işinə hüquqi zəmin yaratdığını qeyd edib.
Daha sonra şagirdlərin çıxışları, hazırlanan təqdimatlar dinlənilib, musiqilər ifa olunub, şeirlər səsləndirilib.
