“Məktəbdə zəlzələ zamanı nə etməli?” mövzusunda maarifləndirici dərs
Zəlzələ təbiətimizin təhlükəli hadisələrindən biridir. Bu zaman təkcə ətraf mühit deyil, minlərlə insan da zərər çəkir və həlak olur. Əsas təhlükə isə zəlzələ yox, onun yaratdığı fəsadlardır.
Bununla əlaqədar olaraq noyabrın 1-də məktəbimizin 1 “B” və 4 “C” sinfində maarifləndirici dərslər keçirildi. Dərsləri ibtidai sinif müəllimləri, Sevinc Babayeva və Yekaterina Puzanova təşkil etmişdir. Bu mövzu haqqında şagirdlərə ətraflı məlumat verildi və məktəbdə zəlzələ zamanı nə etməli olduqlarını izah edib videoçarx vasitəsi ilə onları təlimatlandırdılar. Onlar söhbətində torpaq süxurlarının ani dəyişikliyi, bina və tikililərin dağılması, mebel və digər ev əşyalarının aşması, qaz sızıntısı və s. fəsadların ola biləcəyindən danışdılar.
