Məktəblər arasında respublika çempionatı
Oktyabrın 23-də Gənclər və İdman Nazirliyi, Təhsil Nazirliyi, Milli Olimpiya Komitəsi və Azərbaycan Məktəb İdmanları Federasiyasının birgə təşkilatçılığı ilə “Məktəblər arasında respublika çempionatı”nın rayon mərhələsi keçirilib.
Nəsimi rayon üzrə məktəblilər arası “STRİLBOL” 3x3 basketbol yarışında məktəbimiz II yer tutduğuna görə diplomla təltif olunub.
“Məktəblər arasında respublika çempionatı”nın keçirilməsində məqsəd ümumtəhsil məktəblərində bədən tərbiyəsi və idmanın şagirdlər arasında kütləviləşdirilməsi, onlar arasında idmana olan marağın artırılması, məktəblərdə sağlam və fəal həyat tərzinin təşviqi olub.
