Xocalı soyqırımının 27-ci ildönümünə həsr olunmuş tədbir
Xalqımızın qan yaddaşı-Xocalı faciəsinin 27 illiyi ilə əlaqədar olaraq məktəbimizdə “Xocalı faciəsini unutmayaq” adlı tədbir keçirildi. Tədbirdə məktəbimizin təlim-tərbiyə işləri üzrə direktor müavinləri İlyas Məmmədov, Lalə Ələkbərova, təşkilatçı müavin Validə Sarıyeva, şagirdlər, müəllimlər və məktəbdə təcrübə keçən tələbələr də iştirak etdilər.
Tədbir dövlət himni ilə başladı və şəhidlərin ruhu 1 dəqiqəlik sükutla yad edildi. Şagirdlər bu faciəyə həsr olunmuş şeirlər söylədilər.
Məktəbin təlim-tərbiyə işləri üzrə direktor müavini İlyas Məmmədov çıxış edib şagirdləri bu faciəni unutmamağa çağırdı.
