Məktəbəhazırlıq qruplarının ilk dərs günü
Oktyabrın 1-də məktəbimizdə məktəbəqədər hazırlıq qruplarında ilk dərs günü qeyd edildi. Qeyd edək, ki həm Azərbaycan, həm rus bölməsində ümumilikdə 67 şagird təhsil alacaqdır. Həftədə 4 gün fəaliyyət göstərəcək məktəbəqədərhazırlıq qruplarının əsas məqsədi uşaqların tədrisə hazırlıqlı başlaması, dərs prosesinə öncədən alışması və onlarda müəyyən bilik və vərdişlərin formalaşdırılmasıdır.
İlk dərs gününün həyacanını və sevincini 5 yaşlılar öz sevimli müəllimləri ilə yaşadılar. Məktəbin təlim-tərbiyə işləri üzrə direktor müavinləri Lalə Ələkbərova və İlyas Məmmədov 5 yaşlılar və onların valideynləri ilə ilk dərs günündə görüşdü, xoş arzularını bildirdilər.
Qədəmləriniz mübarək, əziz balalar! Məktəbə ilk qədəmlərini qoyan fidanlara dərslərində uğurlar arzu edirik.
