21 Sentyabr – Beynəlxalq Sülh Günüdür
Azərbaycan Respublikası İnsan Hüquqları üzrə Müvəkkilinin təşəbbüsü ilə ölkəmizdə ənənəvi olaraq, 21 avqustdan-21 sentyabr tarixinədək Beynəlxalq Sülh Günü ilə əlaqədar “Sülh aylığı” elan olunub. Bununla əlaqədar sentyabrın 21-də məktəbimizin 9 “A” sinfində diskussiya xarakterli dərs keçirildi. Diskussiyada məktəbin Azərbaycan dili və ədəbiyyat müəllimi Ağayeva İradə və tarix müəllimi Ağayeva Sevinc şagirdlərə “Beynəlxalq Sülh Günü”, beynəlxalq aləmdə baş vermiş hadisələr, Azərbaycanın Qarabağ problemi barədə şagirdlərə geniş məlumatlar verdilər. Diskussiyanın keçirilməsində məqsəd şagirdlər arasında sülh ideyalarını yaymaq və onların əsil sülhsevər vətəndaş kimi formalaşmasına nail olmaqdır.
